​Ким Чен Ын Бейжіңге құпия сапар жасады

КХДР басшысының Қытайға сапары туралы хабар әлемді елең еткізді. Солтүстік Корея басшысы Ким Чен Ын мінген арнайы пойыз Бейжіңнен шығып кетті. Бұл туралы Reuters хабарлайды.

Ақпаратқа сәйкес, 27 наурызда онға жуық жеңіл көліктен тұратын кортеж мотоциклдердің сүйемелдеуімен Бейжіңдегі басты теміржол вокзалына барды. Олардың арасында үлкен қара лимузин де болған. 

Сол кезде вокзал ауданында қауіпсіздік шаралары күшейтіліп, жұрттың фотосурет түсіруіне кедергі жасаушылар да жүрген. 

Ал соған дейін Бейжіңнің басты көшесі Чананьцеде күзетуші полицей жасақтары көбейіп, қауіпсіздік шаралары күшейтілген еді. Bloomberg хабарлауынша, бұл Ким Чен Ынның 2011 жылдан бері Солтүстік Корея аумағынан сыртқа шығуы болған екен.

Дереккөз: 24.kz