Михаил Саакашвили Петр Порошенкоға ультиматум қойды

1 474 просмотра

Грузияның бұрынғы президенті, Одесса облысының экс-губернаторы Михаил Саакашвили Украина президенті Петр Порошенкоға ультиматум қойды – деп хабарлайды Oxu.az ақпарат көзі.

Михаил Саакашвили «Украинская правда» интернет-газетіне жариялаған мақаласында Петр Порошенкоға төрт бірдей талап қойған. Ол онда Петр Порошенкоға Украинада қысқа уақыт аралығында жемқорлықпен күресуге, жаңа сайлау заңын қабылдауға, тұрғын-үй коммуналды қызметі тарифін арзандатуға және бизнесін сатуға кеңес берген.

Саакашвилидің сөзінше, ел билігі бұлай істемеген жағдайда Украина көп ұзамай әлеуметтік-экономикалық құрдымға кетеді. Ал ол өз кезегінде елді басқарусыз әлеуметтік төңкеріске алып келуі мүмкін.

Естеріңізге салайық, Михаил Саакашвили осы уақытқа дейін Украинаны аралап, халықпен кездесіп, олардың талап-тілектерін тыңдаған болатын. Саакашвили өзін Петр Порошенко Украина азаматтығынан шығарып тастағанан кейін АҚШ пен Польшада болған. Ал Украинаға қыркүйек айның 10-ы күні келген.

Дереккөз: qazaqtimes.com

12 қазан 2017, 11:29

Телеграм арнасына жаңалық жіберу

Қате таптыңыз ба? Тінтуірмен белгілеп, Ctrl + Enter түймесін басыңыз.

Осы тақырыпқа қатысты бөлісетін жаңалық болса, бізге хабарласыңыз. Ақпарат пен видеоны Телеграм арнамызға және editor@azh.kz жіберіңіз.