В Атырау
-1 
Бұған екі ел арасындағы дипломатиялық дау себеп болған, деп хабарлайды Baq.kz ақпарат агенттігі ВВС-ге сілтеме жасап.
Екі ел арасындағы дау өткен аптада Ыстанбұлда АҚШ консулдығының қызметкері ұсталғаннан кейін басталды.Түрік билігі оны Фетхуллах Гүленмен байланысы бар деп айыптаған.
Вашингтон Анкараның бұл әрекетін екіжақты қарым-қатынасқа сызат түсіретін негізсіз қадам деп айыптады.
Анадолу мемлекеттік агенттігінің хабарлауы бойынша, консулдықтың қамауға алынған қызметкері – Түркия азаматы.
«Жақында болған оқиғалар Түркия үкіметін АҚШ-тың түрік миссиясы мен қызметкерлерінің қауіпсіздін қамтамасыз ету туралы уәдесін қайта қарауға мәжбүрлеп отыр. Осы уақыт аралығында біздің АҚШ-тағы дипломатиялық және консулдық миссияларымызға келушілер санын барынша азайту үшін Америка азаматтарына виза беруді уақытша тоқтаттық», - деп мәлімдеді жексенбі күні Түркияның Вашингтондағы елшілігі.
Елшілік бұл шараның қағаз және электронды, сондай-ақ, шекарада берілетін визаларға қатысты екенін айтты.
Бұған дейін Америка да дәл осындай мәлімдеме жасаған болатын.
АҚШ-тың мәлімдемесінде Американың Түркия аумағындағы барлық дипломатиялық мекемесінде иммиграциялыққа жатпайтын виза беру уақытша тоқтатылғаны айтылған еді.
Иммиграциялыққа жатпайтын виза туристерге, сонымен қатар, АҚШ-қа оқуға, емделуге немесе бизнес үшін баратындарға беріледі.
Айта кетсек, Анкара ұзақ уақыттан бері АҚШ-ты Фетхуллах Гүленді беруге көндіріп келеді.
Ердоған Гүленді Түркияда 2016 жылы әскери төңкеріс ұйымдастырды деп айыптап отыр. Бірақ Гүленнің өзі бұл айыптауларды жоққа шығарады.
Дереккөз: Baq.kz