Гурьев-Атырау-8

Бұл біздің қаламыздың екі түрлі келбеті бейнеленген суреттер топтамасы – байырғы  және қалаға жаңадан қоныс тепкен қала тұрғындары үшін керемет сыйлық. Анағұрлым өткен заман туралы айтпағанның өзінде, осыдан 10-20 жыл бұрын қаламыздың қандай болғанын ұмытып қалдық. Фотограф Михаил ХВАННЫҢ жобасы  тарихқа айналған Гурьев пен қазіргі Атырауды еске алып, салыстыруға мүмкіндік береді.  

Қазіргі Абай алаңындағы Марриот қонақ үйі болмағанда, мұның қай жер екенін тану өте қиынға соғар еді. Осынау қарапайым сәулет ғимараты – сәл ғана өзгертілген «Гурьев» қонақ үйі бүгін де өз функциясын сақтап қалған.

Ескі суреттерде жылылықтың ізі болады, атмосфера да жайлы көрінеді. Шағын ғана қала тұрғындарының бір біріне жүзі таныс, ешкім ешқайда асықпайды. Қайда асықсын? Үйлесімді қысқа көйлек киген бұл сүйкімді бойжеткендердің өміріне әлеуметтік желілер мен жан түршігерлік оқиғаларға толы жаңалықтар лентасы... енбеген беймарал кезең еді.

Зульфия БАЙНЕКЕЕВА

 Суреттерді түсірген Михаил ХВАН