Бензовоз өртеніп, екі адам зардап шекті

Қазанда Құлсары қаласында «ҚазМұнайГаз» АҚ-на тиесілі КамАЗ-бензовоз көлігі өртенді.

Жылыой ауданы Шоқпартоғай ауылының 44 жастағы жүргізушісі денесінің 80-90%-ын, жүргізушінің көмекшісі, 19 жастағы Өзбекстан азаматы денесінің 20-30%-ын күйік шалған. Зардап шегушінің екеуі де орталық аудандық ауруханаға жеткізілді.

Төтенше оқиға «Ғимарат» ЖШС эстакадасында мұнай өнімдерін құю кезінде орын алған. Алдын ала жорамал бойынша: көліктің электр сымдары тұйықталған. ТЖД хабарламасы бойынша, бензовоздың жанында орналасқан «Нива» көлігін де жалын шарпыған.

Мұрат СҰЛТАНҒАЛИЕВ