В Атырау -7 
2 қазанда «Құрманғазы-Авто» бақылау-өткізу бекетінде Toyota Ipsum көлігімен Қазақстан-Ресей шекарасынан өтер кезде Мәскеу облысының 54 жастағы тұрғыны В. МИХАЙЛОВ бекіре тұқымдас балық уылдырығымен ұсталды.
Бақылау-өткізу бекетінің командирі Ермек ЖЕКСЕМБИЕВ хабарлағандай, ресейліктің жол сөмкесінің түбінен картон астына жасырылған жалпы салмағы 6 келі болатын қара уылдырық салынған 12 пластик банка табылды. Ұсталушы Құрманғазы АІІБ-не табысталды.
Ал жақында Құрманғазы аудандық соты осындай заң бұзушылық үшін Францияның екі азаматына 1 млн 134 мың теңге мөлшерінде айыппұл салып, оларға тиесілі Ford Escort көлігін тәркілеген. Қыркүйекте оларды «Құрманғазы-Авто» бақылау-өткізу бекетіне дейінгі «ШЕП» бақылау-өткізу бекетіндегі полиция қызметкерлері салмағы 4 келі болатын уылдырықпен ұстаған еді. Шетелдіктер тыйым салынған өнімді бейтаныс әйелден сатып алғанын айтқан болатын.
Мұрат СҰЛТАНҒАЛИЕВ