Бірін-бірі құтқару керек

28 қыркүйекте Атырауда ҚР Инвестициялар және даму министрлігінің «Кәсіби әскерилендірілген авариялық-құтқару қызметі» тактикалық аумақтық оқу-жаттығуын өткізді.

Үш күнге жоспарланған «Атқылама-2017» жаттығуына жақын орналасқан облыстардан бес команда қатысуда. Жаттығу барысында әр облыстан келген командалар мұнай-газ өндірісіндегі химиялық төтенше жағдайлардың жолын кесіп, өзара тәжірибе алмасты. Оқу-жаттығудың басты мақсаты техногендік сипаттағы аварияларды жою кезінде жедел топтардың өзара іс-қимыл жасауына дайын болуы. Қатысушылармен кездесуге келген облыс әкімі Нұрлан НОҒАЕВ ауқымды шараға қызығушылық білдірді. Мамандығы мұнайшы болғандықтан қатысушылардың арасында оның ескі таныстары болған болар.   

Нұрбейбіт НҰҒЫМАНОВ

Сурет және видеоны түсірген автор