Өзбекстанда діни себеппен сотталғандар босатылуы мүмкін

1 582 просмотра

Саиджахон Зайнобиддинов, өзбекстандық құқық қорғаушы

Өзбекстанда діни себеппен сотталған адамдардың туыстары түрмеден хат-хабар ала бастады деп хабарлайды Азаттықтың Өзбек редакциясы. Онда жазаны өтеу мекемесінің әкімшілігі сотталушылардың жаза мерзімінің аяқталатыны жөнінде хабарлап, туыстарын түрмеден алып кетулерін сұраған.

Бұл жөнінде әндіжандық құқық қорғаушы Саиджахон Зайнобиддинов хабарлады. Оның сөзінше, Өзбекстанда мұндай тәжірибе бірінші рет жүзеге асып отыр.

- Абақтыда туыстары отырған адамдармен тікелей сөйлестім. Олар жазаны орындау мекемесі әкімшілігінен хат алған. Онда діни себеппен 2000 жылдан бері түрмеде отырған азаматтардың бостандыққа шығатыны хабарланған. Бұл хатта сотталушылардың туыстарына өздері келіп, абақтыдағы ұлдарын алып кетуді сұраған, – дейді әндіжандық құқық қорғаушы.

Осыған дейін өзбек билігі "қара тізімдегі" азаматтардың ісін қайта қарап жатқаны жөнінде хабарланған. Жергілікті БАҚ-тың жазуынша, Өзбекстанда "қара тізімге" алынған 17 мың адамның 16 мыңы "қауіпті азаматтар" санатынан алынып тасталған.

Дереккөз: Азаттық

13 қыркүйек 2017, 10:14

Телеграм арнасына жаңалық жіберу

Қате таптыңыз ба? Тінтуірмен белгілеп, Ctrl + Enter түймесін басыңыз.

Осы тақырыпқа қатысты бөлісетін жаңалық болса, бізге хабарласыңыз. Ақпарат пен видеоны Телеграм арнамызға және editor@azh.kz жіберіңіз.