КХДР осы аптаның соңында зымыран сынағына дайындалуда: АҚШ БҰҰ-дан қатаң жазаға рұқсат сұрады

Солтүстік Корея тағы бір мәрте құрлық аралық баллистикалық зымыран сынағына дайындалып отыр. Шамамен осы аптаның соңғы күндерінде зымыран сынағын қайталайтыны туралы Оңтүстік Корея қорғаныс күштері мәлімет жасады. Бұл туралы «The New York Times» басылымының таңғы жаңалықтар топтамасында хабарланды. 

Осы аптада Солтүстік Корея ядролық сынақтың сәтті өткеніне және оған қатысқан зерттеушілер мен ғалымдардың құрметіне орталық қаласы Пиоңяңда (Пхеньян) көлемді мерекелік іс шара өткізген болатын. Қазіргі кезде Құрама Штат тарабы БҰҰ Қауіпсіздік кеңесінен Солтүстік Кореяға қарата нақты әрекетпен жауап қайтару туралы келісім сұрап отыр. 

Қауіпсіздік кеңесте АҚШ-тың бұл талабы дауысқа салынып үстінде. Яғни, БҰҰ Қауіпсіздік кеңесі келісімін беретін болса, АҚШ жақ мұнай тасымалға шектеу қою сияқты ең қатал қысым жасамақ. Оның ішінде Солтүстік Корея кемелеріне теңізде тосқауыл жасау, елдің ең жоғары басшысы Ким Жоң Унның (Ким Чен Ын/Kim Jong Un) активтерін мұздату қатарлы шектеу шаралары да бар.

Десе де, Жапон бас уәзірі (премьер-министрі) Шинзо Абемен (Shinzo Abe) кездескен кезде, Ресей президенті Владимир Путин КХДР-ға бағытталған қатаң қысымға түбегейлі қарсы екенін білдірген. Қауіпсіздік кеңесінде талқыға салынатын қатаң қысым шараларына Қытай мен Ресей қарсы тұруы мүмкін деп күтілуді.

Дереккөз: qazaqtimes.com