Қазақстанда туған хакер Баратов АҚШ-қа экстрадициялануға келісті

2 407 просмотра

Қазақстанда туған, Ресей тыңшыларымен бірігіп, Yahoo желісіндегі жарты миллиард есептік жазбаларды бұзып кірді деп айыпталған 22 жастағы Карим Баратов өзін Канададан АҚШ-қа экстрадициялауға келісті. Бұл туралы тамыздың 18-і күні хабарланды.

АҚШ прокурорлары Баратов пен тағы үш адамды 2014 жылы Yahoo аккаунттарын жаппай бұзған деп айыптайды. Баратов Канадада наурыз айында Вашингтон өтініші бойынша тұтқындалған. Оның адвокаты Амедео ДиКарло клиентінің АҚШ-қа экстрадициялауға келіскенін айтады.

Қазақстан үкіметі ертеректе Баратовтың Қазақстан азаматтығынан 2011 жылы шығып кеткенін, Канада азаматтығын алғанын хабарлаған еді. Адвокатының сөзінше, Баратовпен байланысты іс бойынша айыпталған тағы бір адам былтыр Ресейде ұсталған. Екі күдікті Ресейде жүр деген болжам айтылады.

Дереккөз: azattyq.org

19 тамыз 2017, 11:07

Телеграм арнасына жаңалық жіберу

Қате таптыңыз ба? Тінтуірмен белгілеп, Ctrl + Enter түймесін басыңыз.

Осы тақырыпқа қатысты бөлісетін жаңалық болса, бізге хабарласыңыз. Ақпарат пен видеоны Телеграм арнамызға және editor@azh.kz жіберіңіз.