Гурьев – Атырау-6

Бұл біздің қаламыздың екі түрлі келбеті бейнеленген суреттер топтамасы – байырғы және қалаға жаңадан қоныс тепкен қала тұрғындары үшін керемет сыйлық. Анағұрлым өткен заман туралы айтпағанның өзінде, осыдан 10-20 жыл бұрын қаламыздың қандай болғанын ұмытып қалдық. Фотограф Михаил ХВАННЫҢ жобасы тарихқа айналған Гурьев пен қазіргі Атырауды еске алып, салыстыруға мүмкіндік береді.

Тағы да Жилгородок. Шамасы, сол кезде Гурьевте суретке түсіретін басқа ештеңе болмаған шығар. Бұл сол кездегі құрылыс ағаштары ілініп тұрған, оңай тануға болатын жалғыз мәдениет ошағы, бүгінгі күні де жұмыс жасап келе жатқан Мәдениет үйі. Алдыңғы қатарда тұрған ер адамдар тірі ме екен? Сол кезде олар тосыннан түсірілген бұл кадрдың осыншама ұзақ сақталып және ұрпақтарына осы күйде жететінін ойламаған да шығар.

Зульфия Байнекеева

Суретті түсірген Михаил Хван