2024 жылғы жазғы Олимпиада өтетін қала анықталды

3 523 просмотра

2024 жылы Олимпиада ойындары Парижде, ал 2028 жылы Лос-Анжелесте өтеді. Бұл туралы Халықаралық олимпиада комитеті хабарлайды.

Халықаралық олимпиада комитеті 31 шілдеде жазғы Олимпиада ойындары 2024 жылы Парижде өтетіндігі туралы ресми ақпарат таратты. Осыған дейін Los Angeles Times газеті 2028 жылы өтетін жызғы XXXIV Олимпиада ойындарының Лос-Анджелесте өтетіні туралы келіссөздер шешілуге жақын деп хабарлаған болатын.

Лос-Анжелес өз тарихында екі рет: 1932 және 1984 жылдары жазғы Олимпиада ойындарын өткізді.

Осылайша, Лос-Анжелес 2024 жылғы жазғы Олимпиада ойындарын өткізуге өтінішін қайтарып алды. Ол Франция астанасының жалғыз қарсыласы болатын.

Олимпиада ойындарын өткізуге Рим, Будапешт және Гамбург өтінім берген, бірақ олар да өз кандидатураларын алып тастады.

ХОК-тің 13 қыркүйекте Лимада өтетін отырысында Олимпиада-2024 ойындары өтетін орынды таңдау үшін дауыс берілуі керек болатын. Бірақ ХОК-нің өкілдері Парижбен және Лос-Анжелеспен үшжақты келісімге келіп, ХОК-нің сессиясына дейін 2024 және 2028 жылғы Олимпиада ойындарының астанасын нақтылағысы келетінін мәлімдеді.

Дереккөз: Baq.kz

1 тамыз 2017, 10:58

Телеграм арнасына жаңалық жіберу

Қате таптыңыз ба? Тінтуірмен белгілеп, Ctrl + Enter түймесін басыңыз.

Осы тақырыпқа қатысты бөлісетін жаңалық болса, бізге хабарласыңыз. Ақпарат пен видеоны Телеграм арнамызға және editor@azh.kz жіберіңіз.