Немцовтің өліміне кінәлі деп танылғандар сотталды

2 347 просмотра

Мәскеудің округтік әскери соты бейсенбіде Шешенстан ішкі істер министрлігі "Север" батальонының бұрынғы сарбазы Заур Дадаевты оппозициялық саясаткер Борис Немцовтің өліміне кінәлі деп айыптап, 20 жылға соттады деп хабарлайды Азаттықтың Орыс редакциясы.

Дадаевпен бірге айыпты деп танылған Тамерлан Эскерханов 14 жылға, Анзор Губашев 19, Шадид Губашев 16, Хамзат Бахаев 11 жылға сотталды. Сот Дадаев пен ағайынды Губашевтерді жазасын қатаң режимдегі колонияда өтеуге үкім кесіп, Дадаев пен Эскерхановты әскери атақтары мен ордендерінен айырды. Сонымен қатар барлық сотталушылар айыппұл төлеуге міндеттелді.

Кеше прокурор Немцовті өлтірді деп айыпталған Дадаевқа өмір бойына бас бостандығынан айыру жазасын сұраған.

Борис Немцовты 2015 жылы 27 ақпанда Мәскеудің орталығында Кремльге жақын көпір үстінде атып өлтіріп кеткен.

Дереккөз: Азаттық

13 шілде 2017, 14:27

Телеграм арнасына жаңалық жіберу

Қате таптыңыз ба? Тінтуірмен белгілеп, Ctrl + Enter түймесін басыңыз.

Осы тақырыпқа қатысты бөлісетін жаңалық болса, бізге хабарласыңыз. Ақпарат пен видеоны Телеграм арнамызға және editor@azh.kz жіберіңіз.