"Орыс маршын" ұйымдастырушы Юрий Горский Ресейден кетіп қалды

"Орыс маршын" ұйымдастырушы Юрий Горский Ресейден кетіп қалды. Ол экстремизм ісі бойынша үйқамақта отырғанына қарамастан, Литваға кеткен. Бұл туралы Горскийдің өзі Facebook-те жазды.

Горскийдің сөзінше, ол шекараны 9 шілдеге қараған түні "қылмыстық қудалауға ұшырау қаупіне қарамастан" кесіп өткен. Ол шекарадан қалайша өткенін айтпады.

Юрий Горский 7 маусымда қамауға алынған. Сотта тергеушілер Горский қашып кетуі мүмкін деп, оны үйқамаққа алу керек деген. Горскийге қарсы экстремизм айыбы бойынша іс 1 мамырда Мәскеуде ұлтшылдар Дмитрий Демушкинді қолдап марш өткізуіне байланысты қозғалған.

Дереккөз: Азаттық