Башар Асад пен АҚШ арасында қақтығыс: АҚШ ұшқышы Сүрияда ұшқышсыз ұшақты атып түсірді

Құрама Штат Әскери күштерінің хабарлауынша, АҚШ Әуе армиясының бір ұшқышы Сүрияның оңтүстігінде АҚШ-тың сондағы негізгі әскери күштеріне оқ жаудырған ұшқышсыз ұшақты атып түсірген. 

Бұл АҚШ пен Сүриядағы Башар Асад және оның жақтастары арасындағы шиеленістің ушығуын білдіреді дейді Ақүй тарапы. Бұл туралы «The Wall Street Journal» басылымы хабарлап отыр. 

Бұл ұшқышсыз ұшақ осыдан бұрын Сүрия оңтүстігіндегі АҚШ негізгі  әскери базалары мен Сүрияның қарулы патрульдер тобына шабуыл жасаған болатын. АҚШ Қарулы күштері Сүрия, Иорданияға және Ирак үш елдің шекарасына жақын маңда әскери операциялар жасаған. Құрама Штаттың Сүриядағы әскерилерінің берген хабарына қарағанда, бұл жолғы шабуылдан АҚШ әскерлері адам шығынына ұшырамаған. Алайда бұл Башар Асад күштерімен АҚШ арасындағы тіресті жағдайдың ұлғайып бара жатқанын білдіреді деп отыр.

Дереккөз:  qazaqtimes.com