Құрманғазы аудандық прокуратурасы «РЦКУ-Атырау» ЖШС-нің аудандық бөлімінің газ есептегіш құралдарын тұрғын үйлерге орнату қызметінің бағасын екі еседей артық көтергенін анықтады.
Атырау облысы бойынша орнату қызметінің құны 1 086 теңге болса, Құрманғазы ауданында ол үшін 2 000 теңгеден алып отырған.
- Сөйтіп, 815 тұрғыннан 744 910 теңгені иемденген, - дейді Құрманғазы ауданының прокуроры Ерлан ХИСМЕТУЛЛИН. - Бұл факт бойынша 190-бабы 2-тармағы 3-тармақшасымен (алаяқтық, яғни адам өзінің қызмет бабын пайдалана отырып, алдау жолымен бөтен мүлікті иелену) қылмыстық іс қозғалды, сотқа дейінгі тергеп-тексеру жүруде.
Ләззат ҚАРАЖАНОВА