Оңтүстік Кореяның жаңа президенті сайланды

Оңтүстік Кореядағы президенттік  сайлаудың қорытынды нәтижелеріне сәйкес 41,08 пайыз дауыспен  Мун Чжэ Ин жеңіске жетті. Орталық сайлау комитетінің бүгінгі жарлығымен Мун Чже Ин ресми түрде өз қызметіне кірісті. 

ОСК ресми сайтында жарияланған мәліметтерде Оңтүстік Кореяның Демократиялық партиясының атынан қатысқан 64 жасар Мун Чже Инге 13,4 миллион сайлаушылар дауыс бергендігі көрсетілген. 

Ал консервативті еркін Корея партиясынының өкілі Хон Чжун Пхе – 24,03 пайыз, Халық партиясынан сайланған Ан Чхоль Су – 21,41 пайыз дауыс жинаған болатын. 

Кезектен тыс президент сайлауы Оңтүстік Кореяның экс-президенті Пак Кын Хенің жемқорлыққа байланысты дауыға ілігіп, биліктен аластатылғандығынан өткізіліп отыр. 

Дереккөз:  qazaqtimes.com