Ұңғыма екінші тәуліктен бері өртеніп жатыр

Атырау облыстық ТЖД хабарлағандай, 6 мамырға қараған түні Махамбет ауданында, Атыраудан солтүстікке қарай 130 км жерде «Атыраумұнай» ЖШС игеріп жатқан Дараймола мұнай кенішінде №19 ұңғымадан газ кетіп, кейін тұтанған. Мұнайшылардан ешкім зардап шекпеген.

Ал өртеніп жатқан ұңғымадағы жалынның биіктігі 10 метрді құрайды. Өртті сөндірумен бұрқаққа қарсы қызмет айналысуда. 16 қызметкер мен 8 техника жұмылдырылды.

Дараймолла кеніші 1975 жылы ашылған, 1993 жылдан бері игеріліп келеді.

Мұрат СҰЛТАНҒАЛИЕВ