В Атырау +3 
Жылыой аудандық прокуратурасы Құлсары қаласындағы мектепке дейінгі шағын орталықты жапты.
Кәсіпкер шағын орталықты пәтерді жалдау арқылы былтыр сәуірде ашып, жұмысын жүргізген. Онда 3-6 жас аралығындағы 13 бала барған. Жақында тексеру кезінде шағын орталықта санитарлық талаптардың сақталмағандығы анықталған. Одан бөлек, бұл мекеменың барын аудандық білім бөлімі де, салықшылар да білмейтін болып шықты.
- Аудандық соттың қаулысымен жеке кәсіпкерге ҚР ӘҚБтК-нің 463-бабының 1-тармағымен («Тиiстi тiркеусiз, рұқсатсыз немесе хабарлама жібермей кәсіпкерлік немесе өзге де қызметпен айналысу, сондай-ақ әрекеттердi (операцияларды) жүзеге асыру») 53 025 теңге айыппұл салынды, - деп хабарлайды Жылыой аудандық прокуратураның аға прокуроры Арман АЙТҚАЛИЕВ. – Шағын орталықтың жұмысы тоқтатылды.
Ләззат ҚАРАЖАНОВА