Ұлыбритания парламенті өз жұмысын тоқтатты

Ұлыбритания парламенті өз жұмысын уақытша тоқтатты деп  хабарлайды ВВС ақпараттар қызметі. 

Ұлыбритания заңына сәйкес сайлауға 25 күн қалғанда парламент жұмысын тоқтатып, депутаттар парламент мүшесі деген лауазымынан айырылады. Ұлыбритания парламенті 3-ші мамыр күні түнгі сағат 00:01-де тараған. 

Бірақ парламент тарағанымен премьер-министр Тереза Мэй мен ел үкіметі өз жұмысын сайлауға дейін жалғасытра береді. 

Естеріңізге салайық Тереза Мэй 18-ші сәуірде елде мерзімінен 3 жылға ерте сайлау өткізетіндіктері жайында мәлімдеме жасаған болатын. Мэй бұл қадамға Ұлыбритания тұрақтылығын сақтап қалу үшін барғандықтарын түсіндірген еді. Соңғы әлеуметтік сауалнамалардың нәтижесіне қарағанда 8-ші маусымда өтетін сайлауда Тереза Мэй басқаратын Ұлыбритания Консервативтік партиясы жеңіске жететін тәрізді.

Дереккөз: Qazaqtimes.com