Тбилиси Лавровтың Абхазияға барғанына наразы

2 013 просмотра

Грузия Ресей сыртқы істер министрі Сергей Лавровтың Грузиядан бөлінген Абхазия аймағына сапарлап барғанын сынады. Грузия премьер-министрінің Ресеймен қарым-қатынас бойынша арнайы өкілі Зураб Абашидзе Лавровтың аймаққа екі күндік сапары "Грузияның егемендігіне нұқсан келтіретінін" мәлімдеді. Грузия сыртқы істер министрінің орынбасары Давид Жалагания Ресейдің "халықаралық құқық принциптерін елемей отырғанын" айтты.

Лавров 18 сәуірде Сухумиде Абхазиядағы сепаратистердің басшыларымен кездесіп, Мәскеу осы аймақтағы өзінің елшілігі әрі консулдығы деп санайтын жаңа ғимараттың ашылу салтанатына қатысқан.

Абхазия Грузиядан 1992-1993 жылдардағы соғыста бөлініп кеткен. Ресей 2008 жылы Грузиямен қысқа мерзімдік әскери қақтығыстан соң осы аймақтың және жікшіл Оңтүстік Осетия аймағының тәуелсіздігін мойындаған. Көп мемлекеттер Абхазия мен Оңтүстік Осетияны Грузияның бір бөлшегі санайды. Ресей бұл аймақтарға мыңдаған әскерін орналастырған.

Дереккөз: Азаттық

19 сәуір 2017, 10:49

Телеграм арнасына жаңалық жіберу

Қате таптыңыз ба? Тінтуірмен белгілеп, Ctrl + Enter түймесін басыңыз.

Осы тақырыпқа қатысты бөлісетін жаңалық болса, бізге хабарласыңыз. Ақпарат пен видеоны Телеграм арнамызға және editor@azh.kz жіберіңіз.