Атырау, 28 қараша 00:45
 бұлыңғыр боладыВ Атырау +1
$ 499.51
€ 525.83
₽ 4.62

Санкт-Петербургте Орталық Азия елдерінен шыққан 6 адам ұсталды

2 166 просмотра


Санкт-Петербургте Орталық Азия елдерінен шыққан алты адам "экстремистік ұйымдар қатарына адам тартты" деген күдікпен ұсталды деп хабарлады Ресей тергеу комитеті.

Комитеттің 5 сәуірде таратқан ақпаратына қарағанда, күдіктілер бүгін тергеушілердің Федералдық қауіпсіздік қызметі мен ішкі істер министрлігі қызметкерлерінің бірлесе жүргізген тергеу және жедел іздестіру шаралары нәтижесінде ұсталған. Аты-жөндері аталмаған күдіктілер Ресейге жұмыс істеуге барған.

Тергеу болжамынша, күдіктілер 2015 жылдың қарашасынан осы күнге дейін Санкт-Петербург территориясында негізінен Орталық Азия елдерінен шыққан азаматтарды "Ислам мемлекеті" және "Джабхат ан-Нусра" экстремистік ұйымдарының қатарына қосылуға және террористік қылмыстар жасауға үгіттеген". Тергеушілер әзірге ұсталғандардың Санкт-Петербург метросында болған терактіні жасаушымен таныстығы я байланыста болғаны туралы мәлімет жоқ дейді.

Күдіктілердің тұратын жерлері бойынша тінту жүргізіліп, діни әдебиеттер тәркіленген.

Қазір күдіктілерді қамау және оларға айып тағу мәселесі шешіліп жатыр.

Дереккөз: Азаттық

5 сәуір 2017, 14:34

Қате таптыңыз ба? Тінтуірмен белгілеп, Ctrl + Enter түймесін басыңыз.

Осы тақырыпқа қатысты бөлісетін жаңалық болса, бізге хабарласыңыз. Ақпарат пен видеоны Телеграм арнамызға және editor@azh.kz жіберіңіз.