Жел қандай зиян келтірді?

Сурет

9 630 просмотра

Облыстық ТЖ департаментінің баспасөз қызметі ұйтқыған жел жылдамдығы секундына 22 м-ге жеткен кешегі ауа-райының салдары туралы хабарлады.

Атыраудағы Смағұлов көшесі, 56 в мекен-жайындағы үйдің шатырын жұлып кетті. Индербор поселкесіндегі екі нысанның, сондай-ақ, Мақат поселкесіндегі бір нысан мен Доссор поселкесіндегі бір нысанның шатырлары түгелдей бүлінді. Исатай ауданындағы Х.Ерғалиев ауылында бір ғимарат зардап шекті, бес автокөлік – Атырау қаласында төрт машина мен Индер ауданында бір машина ұшып кеткен шатыр сынықтарының астында қалды.

Облыс орталығында жел салдарынан екі терек пен бір электр тарату бағаны құлады. Студенческий өткелі, 52 және Азаттық даңғылы, 159 «б» мекен-жайындағы үйлердің жабынқыштары мен металл жабындарын қосқанда шатырдың және балкон қаптамаларының бүлінгені тіркелді. Қазіргі кезде АМУ №3 оқу корпусының, №31 мектеп-гимназиясының және Мұнай және газ университетінің оқу корпусының бүлінген шатырлары шұғыл жөндеуді қажет етіп тұр.

Марат ТАКУЛИН

30 наурыз 2017, 15:24

Телеграм арнасына жаңалық жіберу

Қате таптыңыз ба? Тінтуірмен белгілеп, Ctrl + Enter түймесін басыңыз.

Осы тақырыпқа қатысты бөлісетін жаңалық болса, бізге хабарласыңыз. Ақпарат пен видеоны Телеграм арнамызға және editor@azh.kz жіберіңіз.