Бес қабатты үйдің шатырынан құлап, қаза болды

26 наурызда Атырауда шамамен сағат 22-де Стройконтора маңы Молдағалиев көшесіндегі бес қабатты 33 «а»-үйдің шатырынан 27 жастағы ер адам құлап түсті. 

Атырау облыстық ТЖД хабарлағандай, бұл адам теледидар антеннасын бекіту үшін шатырға шығыпты. Төменге құлап, подъездің күнқағарына түскен. Құтқарушылар альпинистік саймандарды қолданып, оны зембілге салып түсіріп, «жедел жәрдем» қызметкерлерінің қолына табыс етті. Медиктердің көмектеріне қарамастан, зардап шегуші облыстық аурухананың жансақтау бөлімінде алынған зақымдардан көз жұмды.

Мұрат СҰЛТАНҒАЛИЕВ