Облыс әкімінің құрылыс жөніндегі жаңа орынбасары тағайындалды

4 269 просмотра

Бүгін, 18 наурызда актив жиналысында облыс әкімі Нұрлан НОҒАЕВ «өз еркімен» жұмыстан босату туралы берген өтінішіне сәйкес облыс әкімінің құрылыс мәселелері жөніндегі орынбасары Тимуржан ШӘКІМОВТІ лауазымынан босатқанын хабарлады.

- Қазақстан Республикасы президенті Әкімшілігінің келісімімен менің өкімім бойынша облыс әкімінің құрылыс мәселелері жөніндегі жаңа орынбасары болып Жасұлан Асқарұлы СҮЙІНШӘЛИЕВ тағайындалды, - деді Ноғаев.

Кезінде 39 жастағы Ж.Сүйіншәлиев Батыс Қазақстан облысының құрылыс басқармасының басшысы, ал осы қызметке тағайындалмас бұрын ҚР Ұлттық экономика министрлігінің Құрылыс және тұрғын-үй коммуналдық шаруашылығы істері комитеті төрағасының орынбасары қызметтерін атқарған.

Мұрат СҰЛТАНҒАЛИЕВ

Суретті облыстық әкімдіктің баспасөз қызметі жолдады

18 наурыз 2017, 18:04

WhatsApp арқылы хабар жіберу

Қате таптыңыз ба? Тінтуірмен белгілеп, Ctrl + Enter түймесін басыңыз.

Осы мақала тақырыбына қатысты ой-пікіріңізбен бөлісіп, бейнежазба жолдағыңыз келсе, WhatsApp +7 771 37 800 38 нөміріне және editor@azh.kz поштасына жібере аласыз.