13 наурыз күні таңертең Атырау маңындағы поселкелердің бірінде жол-жөнекей өтіп бара жатқан адамдар шалшықтан үй киімін киген ер адамның мүрдесін тауып алды.
Атырау облыстық ІІД баспасөз қызметінің жетекшісі Гүлнәзира МҰХТАРОВАНЫҢ айтуынша, 13 наурызда 8 сағат 30 минутта Водников поселкесіндегі көшеден зорлық белгілері жоқ мүрде табылған. Полиция оның жеке басын анықтады. Ол сол поселкенің тұрғыны екен. Сот-медициналық сараптама тағайындалды.
Мұрат СҰЛТАНҒАЛИЕВ