"Барса" Чемпиондар лигасының ширек финалына өтті

АСТАНА, 9 наурыз — Sputnik. Испан футбол клубы "Барселона" сәрсенбіден бейсенбіге қараған түні өткен матчта жіберіп алған төрт голдың қарымтасын қайтарып, ширек финалға жолдама алды. 

Чемпиондар лигасының 1/8 финалында үш апта бұрын Парижде өткен матчта "Барса" ПСЖ-дан 0:4 есебімен ойсырай жеңілген болатын. Ал сәренбіден бейсенбіге қараған түні Барселона ойыншылары барын салып ойынды 6:1 есебімен жеңіп шықты. Сөйтіп, жалпы есеп 6:5 болып, "Барса" ширек финалға шығуға мүмкіндік алды. Испан клубының бапкері Луис Энерике жазда команда жетекшілігінен кетуді жоспарлап отыр. 

Дереккөз: Sputnik