Жайықта екі мотоцикл соқтығысып, екі адам көз жұмды

Облыстық ТЖД хабарлағандай, 28 ақпанда шамамен сағат 22-де Жайық мұзында Еркінқала поселкесінің төрт тұрғыны мінген екі мотоцикл соқтығысты.

Оқиға нәтижесінде екі адам (1983 және 1992 ж.т.) қаза болып, тағы екеуі (1989 және 1995 ж.т.) сынық жарақаттарымен (сондай-ақ, олардың біріне бас-миы зақымдалған және иығы мен арқасын күйік шалған деген диагноз қойылды) облыстық аурухананың жансақтау бөліміне жатқызылды. 

Мұрат СҰЛТАНҒАЛИЕВ