Ким Чен Ын ағасын өлтіруге бұйрық берген - БАҚ

Оңтүстік Кореяның қорғаныс министрлігі Ким Чон Намды өлтіруге бұйрық берген ҚХДР басшысы екенін мәлімдеді, - деп хабарлайды Life басылымы Yonhap news агенттігіне сілтеме жасап. 

Министрліктегілер Солтүстік Кореяның опасыздыққа барғанын айтады. "Ким Чон Нам өліміне Ким Чен Ын кінәлі", - дейді министрлік басшысы. 

Еске салайық, Солтүстік Корея басшысының ағасын Малайзия әуежайында бетіне улы зат шашқаннан кейін көз жұмған. Ким Чон Нам дүйсенбіде таңғы уақытта отбасы тұрып жатқан Макаоға ұшпақ болған еді.

Қазіргі кезде бұл іс бойынша төрт күдікті ұсталды. БАҚ мәліметі бойынша, олардың арасында Солтүстік Корея тумасы болып келетін химия саласының маманы бар. Соңғы жылдары ол Үндістанда қызмет етіп келген. 

Дереккөз: Tengrinews.kz