Ақ үй: Трамп Ресейге Қырымды қайтаруы тиіс екенін айқын ұқтырды

1 796 просмотра

Шон Спайсер, Ақ үйдің баспасөз хатшысы.

АҚШ президенті Дональд Трамп Ресей үкіметі аннексиялап алған Қырымды қайтарып, Украинаның шығысындағы сепаратистерді қолдаудан бас тартуы тиіс екенін айқын білдірді деп мәлімдеді Ақ үйдің баспасөз хатшысы Шон Спайсер. Оның сөзіне қарағанда, Трамптың Мәскеуге қатысты ұстанымы "тым қатқыл". Дегенмен ол Трамп Ресеймен қарым-қатынасты жақсартуға болады деп үміттенетінін айтты,- деп хабарлады Азаттық.

Спайсер 3 ақпанда АҚШ-тың БҰҰ-дағы тұрақты өкілі Никки Хейлидің Ресейді айыптап, "Қырым - Украинаның бөлшегі" деп мәлімдегенін және Қырыммен байланысты санкциялар түбек Украинаға қайтарылмайынша сақталатынын айқын білдіргенін жеткізді.

Спайсердің сөзі Дональд Трамптың Мәскеуге қатысты саясатты жұмсартуды меңзеген бірнеше мәлімдемесіне байланысты туындаған қауіпке жауап ретінде шықты.

АҚШ-тың жаңа қаржы министрі Стивен Мнучин де Ресейге Украинадағы қақтығыстарға байланысты салынған санкциялардың күшінде қалатынын мәлімдеді.

Ресей Қырымды Украинадан 2014 жылы наурызда аннексиялап алған.

Дереккөз: Азаттық

15 ақпан 2017, 10:54

Телеграм арнасына жаңалық жіберу

Қате таптыңыз ба? Тінтуірмен белгілеп, Ctrl + Enter түймесін басыңыз.

Осы тақырыпқа қатысты бөлісетін жаңалық болса, бізге хабарласыңыз. Ақпарат пен видеоны Телеграм арнамызға және editor@azh.kz жіберіңіз.