Прокурорлық алаяқтық

№2 Атырау қалалық соты Атырау қалалық прокуратурасының қызметкері К.А-ны 2 ай мерзімге қамауға алуға санкция берді.

Қалалық прокуратура қызметкері 6 ақпанда ұсталды. Оның алдау арқылы Атырау қаласының екі тұрғынының ақшасын иемденгені анықталды. Содан кейін олар облыстық прокуратураға шағымданған. ҚР ҚК-нің 190-бабы 3-тармағының 1, 2-ші тармақшалары («Ірі мөлшерде мемлекеттiк функцияларды орындауға уәкiлеттiк берілген адам жасаған алаяқтық») бойынша сотқа дейінгі тергеу жұмыстары жүргізілуде.

Мұрат СҰЛТАНҒАЛИЕВ