В Атырау -3 
6 ақпан күні таңда Атыраудағы кафелердің бірінің маңында 24 жастағы қала тұрғыны кісі қолынан қаза тапты.
– Ішінен жарақат алған жас жігіт облыстық аурухананың жан сақтау бөліміне түсіп, сонда есін жимастан көз жұмды, - дейді ІІД баспасөз қызметінің жетекшісі Гүлнәзира МҰХТАРОВА. – ҚІІБ-ның криминалды полиция басқармасының қызметкерлері жедел-іздестіру шаралары барысында екі күдіктіні ұстады. Бұл Маңғыстау облысы Жаңаөзен қаласының 22 жастағы тұрғындары. Айғақ зат ретінде пышақ тәркіленіп алынды. Ұсталғандар мойындау жауаптарын беруде. Қылмыс бұзақылық ниетте жасалған: олар жәбірленушіні танымайтын, бір-бірімен сөзге келіп қалғанда күдіктілердің бірі ішіне пышақ салған.
Бұл факті бойынша ҚР ҚК-ның 106-бабының 3-тармағымен («Жәбірленушінің өліміне әкеп соққан денсаулыққа қасақана ауыр зиян келтiру») сот алды тергеу ісі басталды.
Айнұр САПАРОВА