Трамп Путинді қорғап сөйлегені үшін сынға қалды

2 288 просмотра

АҚШ-та демократтар да, республикашылдар да президент Дональд Трампты (суретте) телеарнаға берген сұхбатында Ресей президенті Владимир Путинді қорғаған пікірі үшін сынап жатыр,- деп хабарлады Азаттық.

Трамп Fox News жүргізушісі Билл О'Райлиге берген сұхбаты кезінде оның "Путинді құрметтейсіз бе?" деген сұрағына "Құрметтеймін" деп жауап берген. О'Рейли сосын "Бірақ ол кісі өлтіруші ғой. Путин - қанішер" деген. Бірақ Трамп оған "Кісі өлтірушілер көп. Ондайлар бізде де жеткілікті. Біздің еліміз кінәсіз деп ойлайсыз ба?" дегп жауап берген.

Сенаттағы республикашылдар жетекшісі Митч МакКоннелл президенттің сөзіне байланысты "Орыстардың өзін қалай ұстауын АҚШ-тың әрекетімен салыстыруға болмайды. Путин- КГБ-ның бұрынғы агенті, баскесер, көпшілігі сайлау деп санайтын жолмен сайланбаған президент" деді МакКоннелл CNN-ге.

Небраска штатының сенаторы, Трампты жиі сынайтын Бен Сассе де ABC-ге берген сұхбатында "|Еркіндікті сүйетін ұлы ұлтпен, АҚШ-пен баскесерлердің арасында ешқандай моральдық теңдік жоқ". АҚШ-тың Ресейдегі бұрынғы елшісі әрі Барак Обаманың кеңесшісі Майкл МакФол Трамптың сөзін "жиіркенішті" деп атады.

Дереккөз: Азаттық

6 ақпан 2017, 11:10

Телеграм арнасына жаңалық жіберу

Қате таптыңыз ба? Тінтуірмен белгілеп, Ctrl + Enter түймесін басыңыз.

Осы тақырыпқа қатысты бөлісетін жаңалық болса, бізге хабарласыңыз. Ақпарат пен видеоны Телеграм арнамызға және editor@azh.kz жіберіңіз.