БҰҰ Трампты мигранттар туралы жарлықты өзгертуге шақырды

1 679 просмотра

АСТАНА. ҚазАқпарат - Антониу Гутерриш (суретте) Дональд Трампты шетелдіктердің АҚШ-қа келуіне енгізілген шектеулерді алып тастауға шақырды.

БҰҰ бас хатшысы Антониу Гутерриш бірқатар мұсылман елдерінің азаматтарына АҚШ-қа келуге салынған тыйымды тезірек алып тастайды деп үміттенетінін жеткізді. Бас хатшының айтуынша, енгізілген шектеулердің АҚШ-ты террористік қауіптен тиімді қорғауы екіталай және ол Трамптың өз жарлығынан тезірек бас тартарына үміттенеді.

Еске сала кетсек, АҚШ президенті Дональд Трамп өз жарлығымен босқындардың Құрама Штаттарға 120 күнге келуіне тыйым салды және халқының басым бөлігі мұсылмандар болып табылатын жеті мемлекет (Ирак, Судан, Сомали, Ливия, Сирия, Йемен) азаматтарының 90 күнге келуін уақытша тоқтатып қойды.

Дереккөз: ҚазАқпарат

1 ақпан 2017, 11:11

Телеграм арнасына жаңалық жіберу

Қате таптыңыз ба? Тінтуірмен белгілеп, Ctrl + Enter түймесін басыңыз.

Осы тақырыпқа қатысты бөлісетін жаңалық болса, бізге хабарласыңыз. Ақпарат пен видеоны Телеграм арнамызға және editor@azh.kz жіберіңіз.