В Атырау +21.8 
Ұлыбританияның Еуроодақтан шығуын бастау туралы заң жобасы парламенттің қарауына түсті.
2 тармақтан тұратын құжат Премьер-министр Тереза Мэйге Одақ туралы келісм-шартқа сәйкес елдің ұйымнан шыққысы келетіні жөнінде өтініш беруге құқық береді. Ал бүгін құжаттың бірінші оқылымы болды. Бірақ нағыз талқылау 31 қаңтар мен 1 ақпанға белгіленген. Ал соңғы үшінші талқылау 8 ақпанда өтеді. Сарапшылар «құжат Лордтар палатасының қарауына түскенде қиындыққа тап болуы мүмкін» - дейді. Өйткені онда Одақтың құрамында қалуды қалайтындар басым. Ал наурыз айында қос палата құжаттың соңғы мәтінін келісіп, одан кейін Елизавета II-ші патшайым қол қоюы тиіс. Айта кетейік, үкімет Брюссельмен Одақтан шығу туралы келіссөзді бастамас бұрын оны парламент бекітуі тиіс деген шешімді Жоғарғы сот шығарған.
Дереккөз: 24.kz