​Қыз баланы қаққан жүргізуші табылды

Криминалдық полиция қызметкерлері Атырау-Дамбы тас жолында қыз баланы қағып өлтірді деп күдікке алынған қара түсті «Лада Приора» автокөлігінің жүргізушісін анықтап, ұстады.

- 33 жастағы Атырау қаласының тұрғыны 20 қаңтар күні таңертең жедел-іздестіру шаралары барысында өз үйінде ұсталды. Ол мойындау жауабын беруде. Тергеу ісін ІІД жауап алу басқармасы жүргізуде, - деп хабарлады ІІД баспасөз қызметінің жетекшісі Гүлназира МҰХТАРОВА.

ҚР ҚК-нің 345-бабы 3- тармағы бойынша («Көлiк құралдарын басқаратын адамдардың жол жүрісі немесе көлiк құралдарын пайдалану қағидаларын бұзуы, адам өліміне әкеп соққан іс-әрекет») және 347-бабы бойынша («Жол-көлiк оқиғасы болған жерден кетіп қалу») сотқа дейінгі тергеу жүргізілуде. Ұсталған жүргізуші уақытша оқшаулау изоляторында қамауға алынды.

Зульфия ИСКАЛИЕВА