Құлсарыда тауар қоймасы өртенді

Бүгін күндіз Құлсары қаласындағы тауар қоймасынан өрт шықты.

Тауар қоймасы балабақшаның қасында орналасқан. Редакцияға жолданған бейнежазбада ата-аналар өз балаларын алып кетіп бара жатқандығы көрінеді. Қою түтіннен балабақша ғимараты көрінбейді.

- Жалын жеке кәсіпкердің тауар қоймасынан шыққан. Өрт сөндірушілер жұмыс істеп жатыр, адамдар арасында зардап шеккендер жоқ, - дейді Жылыой аудандық ТЖ бөлімі бастығының міндетін атқарушы Ербол ҚАДЫРАЛИЕВ. - Ал қоймаға жақын орналасқан балабақшадағы балалар мен қызметкерлер эвуакацияланып, үйлеріне жіберілді.

Ләззат ҚАРАЖАНОВА