​Бас сот сарапшысы ірі көлемде пара алды деген күдікпен үйқамаққа алынды

№2 Атырау қалалық сотының тергеу судьясы Атырау облыстық сот сараптама институтының бас сот сарапшысын үйқамаққа алуға санкция берді.

Ол жалпы сомасы 20 000 долларға пара алуға оқталған деп күдіктелуде. Қылмыстық істегі екінші фигурант лауазымды тұлғалардың пара алуына жәрдем еткен деп күдіктеліп отыр. Оған қатысты екі айға қамауда ұстау бұлтартпау шарасы белгіленді.

№2 қалалық сотының баспасөз қызметі қылмыстық істің басқа егжей-тегжейін «тергеу мүддесі» үшін хабарламады.

Зульфия ИСКАЛИЕВА