В Атырау -7 
Канада ғалымдары көлік үздіксіз ағылып жүретін үлкен жолдардың бойында өмір сүру адамның ми қызметінің зақымданып, ақыл-парасат кемдігі ауруына (деменция) әкеліп соқтыратынын мәлімдеді. Ғалымдар мұндай қорытындыны Онтарио провинциясының екі миллионға жуық тұрғынын 11 жылға жуық уақыт бойы зерттеу нәтижесінде жасаған,- деп хабарлады Азаттық.
Зерттеу мәліметтері бойынша, деменцияға ұшырағандардың 10 пайызына ауаның ластануы мен көлік шуылы ықпал еткен.
Әлемде 50 миллионға тарта адам жас кезінен немесе қартайғанда шалдыққан (кәрілік деменциясы) ақыл-есі кемдік ауруынан зардап шегеді. Бірақ мұның себептері түпкілікті анықталмаған.
Дереккөз: Аzattyq.org
5 қаңтар 2017, 17:00