Алаулар тағы да түтіндеуде

«АЖ»-ға бір оқырман бейнежазба жолдады. Мұнда әлдебір кәсіпорынның алауынан шыққан түтін төңіректі тұмшалап алыпты. Автор мұның Теңіз кеніші екенін айтады.

Біз Атырау облыстық экология департаментіне: қайда және қашан шығарындылар болды, ҚР экологиялық заңнамасын бұзушы қандай жаза алды деген сұраққа жауап беру өтінішімен жүгіндік.

Өз хатында облыстың бас мемлекеттік экологиялық инспекторы Қанат ҚАЛМАХАН былай деп хабарлады: «Қазіргі уақытта экология департаменті ҚР экологиялық заңнамасын сақтау тұрғысында «Теңізшевройл» ЖШС-не тексеру жүргізуде. Осы факті бойынша тексеру нәтижелеріне тиісті жауап берілетін болады».