Н.Нығматулин депутаттарды қайырымдылық жасауға шақырды

Фото: Forbes.kzЕртең Тәуелсіздік сарайында ел басшылығының қатысуымен дәстүрлі жаңажылдық қайырымдылық балы өтеді. ҚР Парламенті Мәжілісінің төрағасы Нұрлан Нығматулин жалпы отырысты қорытындылай келе іс-шараға барлық депутатты шақырды, деп хабарлайды Baq.kz.

«Ертең сағат 19.00-де Тәуелсіздік сарайында ел басшылығының қатысуымен дәстүрлі жаңажылдық қайырымдылық балы өтеді. Іс-шараға ҚР Парламенті Мәжілісінің депутаттары, аппарат қызметкерлері де шақырылған», - деп атап өтті Н.Нығматулин.

Мәжілісінің спикерінің айтуынша, бұл қайырымдылық акциясынан түскен қаржы шетелдік клиникаларда медициналық көмек алатын балаларды қолдауға жұмсалады.

«Барлық депутаттан мүмкіндігінше іс-шараға белсенді қатысуды сұраймын», - деді төраға.

Дереккөз: Baq.kz