«Сарайшықты» қаңтарда қалпына келтіруді бастайды, ал әзірге жәрмеңке болады

16-17 желтоқсанда «Сарайшық» коммуналдық базарының жанындағы алаңда мерекелік жәрмеңке өтеді. Ол жерде қала тұрғындары жергілікті тауар өндірушілердің өнімін нарық бағасынан 15-20 пайыз төмен бағамен ала алады.

Бұл туралы қалалық әкімдіктің кәсіпкерлік бөлімінің басшысы Руслан ИБРАЕВ хабарлады. Өртенген «Сарайшық» коммуналдық базарының өзіне келер болсақ, Р.Ибраевтың айтуынша, нысанды күрделі жөндеудің жобалау-сметалық құжаттамасы мемлекеттік сараптамадан өткен, тендерлік процедуралар басталды. Мердігер 2017 жылы қаңтар басталғанда белгілі болады.