В Атырау +22.1 
Соңғы күндері WhatsApp арқылы таралып жатқан маньякты іздестіру туралы бағдар жалған болып шықты.
- Әлдебір маньяктың балаларды ұрлауға қатысты әрекеті туралы ақпарат шындыққа сай келмейді, атап айтқанда, біздің облысымызға еш қатысы жоқ. Алаңдауға еш себеп жоқ, - деп сендірді Атырау облыстық ІІД баспасөз қызметінің жетекшісі Гүлнәзира МҰХТАРОВА ҚР ІІМ өкілінің комментарийіне сілтеме жасап. – ІІМ-де мұның ескі ақпарат екенін хабарлады. Оны 2014 жылы тексеруден өткізген. ІІМ-де ресми түрде ел аумағында жалғаспалы қылмысқа ілігетін кәмелетке толмағандарға қатысты ашылмаған қылмыстардың тіркелмегенін мәлімдеді. Қазіргі уақытта ақпарат тарату дереккөзін анықтау шаралары алынуда.
ІІМ-де сонымен қатар ел заңнамасы бойынша көрінеу жалған ақпаратты таратқаны үшін қылмыстық жауапкершілік болатыны туралы еске салды.
Зульфия БАЙНЕКЕЕВА