Өзбекстанда президент сайлауында ерте дауыс беру басталды

2 695 просмотра

Президенттікке үміткер Шавкат Мирзияев24 қарашада Өзбекстанда президент сайлауында ерте дауыс беру басталды. Бұл елде сайлау 4 желтоқсанға белгіленген. Өзбекстан заңына сай елде уақытынан бұрын дауыс беру сайлау белгіленген күннен он күн бұрын басталады,- деп хабарлады Азаттық.

Президенттікке кандидаттар тізімінде премьер-министр Шавкат Мирзияев, Өзбекстан халықтық-демократиялық партиясы атынан Хатамжон Кетмонов, "Миллий Тикланиш" партиясынан Сарвар Отамуратов және "Адолат" партиясынан Нариман Умаров бар. Президент бес жылға сайланады. Сайлаушылар тізімінде 21 миллион 435 мың адам бар. Елдегі сайлау учаскелерінде 9378 адам жұмыс істейді.

Өзбекстанда 27 жылға жуық уақыт басқарған Ислам Каримовтың қазасынан кейін елде президент сайлауы белгіленген.

Дереккөз: Азаттық

24 қараша 2016, 09:52

Телеграм арнасына жаңалық жіберу

Қате таптыңыз ба? Тінтуірмен белгілеп, Ctrl + Enter түймесін басыңыз.

Осы тақырыпқа қатысты бөлісетін жаңалық болса, бізге хабарласыңыз. Ақпарат пен видеоны Телеграм арнамызға және editor@azh.kz жіберіңіз.