​«Сушар» қызметінің тарифі көтерілді

Табиғи монополияларды реттеу және бәсекелестікті қорғау комитетінің Атырау облысы бойынша департаменті 2017-2021 жылдарға «Қазсушар» РМК АФ-ның реттелетін қызметтеріне 2016 жылдың 1 желтоқсанынан бастап қолданысқа енгізілетін тарифтердің шекті деңгейін бекітті.

Магистралды құбырға су беру бойынша тариф бір текше метр үшін 595,7 теңге (ҚҚС-сыз) көлемінде, каналға су беру бойынша – бір текше метрге 17,9 теңге көлемінде бекітілді. Бұдан бұрын «Сушар» филиалы монополияға қарсы қызметкерлерден каналдарға су беру бойынша қолданыстағы тарифті бір текше метр үшін 15,6-дан 32,57 теңгеге дейін, яғни екі есеге; Қоянды магистралды құбырына су беруді бір текше метр үшін 337,4 теңгеден 1532,52 теңгеге дейін, яғни 4,5 есеге көтеруді өтінген болатын.

Мұрат СҰЛТАНҒАЛИЕВ