​Арнайы техникамен қысқа қамданды

«Арнаулы автобаза» ЖШС жаңа күзгі-қысқы маусымға қосымша арнайы техника сатып алды.

Атырауға қар тазалайтын 2 машина, 1 трактор, 8 трактор тіркемесі, 4 роторлық шөп шапқыш, 7 бульдозер қайырмасы, үш корпусты аспалы соқа, 4 бункерлік щетка жеткізілді. Бұдан басқа, қалалық әкімдік есебінен «Арнаулы автобаза» қоқыс шығаратын 6 машина мен 7 трактор алды.

Алғашқы қар жауған күндері облыс орталығының жолдарын тазартуға қар тазалайтын 46 техника жұмылдырылды. Соның ішінде, өзі аударғыш 15 машина, 10 вакуум, 1 автогрейдер және қар тазалайтын 3 топ (бұл 340 шақты адам) бар. «Арнаулы автобаза» ЖШС қызметкерлеріне жолдар мен алаңдардан қар тазарту өтінішімен Whatsapp қауырт желісіндегі 8701 180 26 79 нөміріне хабарласуға болады.

Зульфия ИСКАЛИЕВА