Порошенко Трампты "Ресей агрессиясына қарсы күресте" қолдауға шақырды

1 805 просмотра

Фото: KP.UAУкраина президенті Петр Порошенко 15 қарашада АҚШ-тың жаңа сайланған президенті Дональд Трамппен телефонмен сөйлесіп, Вашингтонды "Ресей агрессиясына қарсы күресте қолдау көрсетуге" шақырды. Президент сайтындағы ақпаратта Порошенконың ынтымақтастықты күшейту үшін Трамп әкімшілігімен жұмыс істесуге дайын екені хабарланған. Онда саясаткерлер кездесу өткізуге келіскені және Порошенконың 2017 жылдың басында Вашингтонға сапарына дайындық жүріп жатқаны айтылады,- деп хабарлады Азаттық.

Хабарламада Порошенконың Киевке "аса маңызды реформаларды жүргізуде" жәрдемдесуде Вашингтонға ерекше басымдық бергені айтылады. Онда Ресейдің 2014 жылы Қырымды заңсыз аннексиялап алғаны туралы айтылмайды. Дональд Трамп кеңсесі оның Порошенкомен телефонмен сөйлескені туралы әзірге ресми комментарий жасаған жоқ.

14 қарашада Дональд Трамп Ресей президенті Владимир Путинмен телефонмен сөйлескен. Бұдан соң екі Путин де, Трамп та ресей-америка қарым-қатынасының жақсаруына қатысты оптимистік тұрғыдан комментарий білдірген.

Дереккөз: Аzattyq.org

16 қараша 2016, 11:20

Телеграм арнасына жаңалық жіберу

Қате таптыңыз ба? Тінтуірмен белгілеп, Ctrl + Enter түймесін басыңыз.

Осы тақырыпқа қатысты бөлісетін жаңалық болса, бізге хабарласыңыз. Ақпарат пен видеоны Телеграм арнамызға және editor@azh.kz жіберіңіз.