Клинтон: АҚШ мүддесі үшін Трамппен жұмыс істесуге дайынмын

Фото: ReutersАҚШ президенттігіне Демократиялық партиядан кандидат болған Хиллари Клинтон сайлауда жеңіліп қалғанына өкініш білдіріп, елдің жаңа басшысы, республикашыл Дональд Трамппен елдің мүддесі үшін ынтымақтаса жұмыс істеуге дайын екенін білдірді,- деп хабарлады Азаттық.

Клинтон "ең жақсы, әлдеқайда күшті және әділетті Американы" құруға септігін тигізуді өзінің азаматтық парызы деп атады.

Нью-Йоркте сөйлеген Клинтон елдегі бөлініс өзі ойлағаннан әлдеқайда терең болғанын айтып, жақтастарына сайлауалды кампаниясында қолдау көрсеткені үшін алғыс білдірді. "Мен Америкаға сенемін және алда да сене беремін" деді Клинтон.

АҚШ-та 8 қарашада өткен президент сайлауының қорытындысы бойынша, Республикашыл партия кандидаты Дональд Трамп сайлаушылар алқасында 270-тен көп даусын жинап, АҚШ-тың 45-президенті болып сайланды.

Дереккөз: Аzattyq.org