Полицейлер тобына қатысты процесс 15 қарашада басталады

4 қарашада Атырау облыстық қылмыстық істер жөніндегі мамандандырылған сотында Атырау қалалық ІІБ қызметкерлер тобын қылмыстық жауапкершілікке тарту бойынша алдын ала тыңдау өтті. Тыңдау судья Д.ДАУЫМОВТЫҢ төрағалығымен жабық режимде өтті.

Тыңдауда күдіктілер КИМ мен ӨТЕУОВТІҢ адвокаттары сотқа ІІБ басшыларын қылмыстық жауапкершілікке тарту үшін қылмыстық іс материалдарын қосымша тергеуге жолдау туралы өтініш берді. Басқа үш күдіктінің адвокаттары өз қорғалушылары үшін бұлтартпау шараларын өзгерту туралы өтініш берді. Бұл туралы күдікті Е.ІЗДІБАЕВТЫҢ адвокаты Талғат МҰҚАТАНОВ хабарлады.

– Қалалық криминалдық полициясының бұрынғы басшысы Нұрболат ҚАБДЕШЕВ пен ІІБ аға жедел уәкілі Бейбіт ШАЛТЕНОВ сотқа тартылды ма?

– Бұл жерде Қабдешев пен Шалтенов жоқ. Оларға қатысты іс жүргізілуде, ол жеке өндіріске бөлінген.

– Полицияның қанша қызметкері сотталушылар орындығында отыр және олардың шендері қандай?

– Барлығы тоғыз адам (облыстық соттың баспасөз қызметі жеті адам екенін хабарлады – М.С.). Олар Өтеуовтің жауаптары бойынша күдіктеліп отыр. Бұл тергеу материалдарында расталды дейді: олар ІІБ басшыларының нұсқауларын орындап, азаматтарды заңсыз ұстаған, қылмыстық істерді бұрмалап, содан соң оларды тоқтатқан. Күдіктілер – тергеушілер, жедел уәкілдер, анықтаушылар.

– Оларға қанша эпизод бойынша айып тағылып отыр?

– Менің қорғалушымда бір эпизод, күдіктілердің бірінде – 16 эпизод. Өзбекстан азаматтарын бопсалады деген айыптау бар. Болмаған ұрлықтар. Өтеуовтің үйіне бір ұрлық жасалды деп боямалаған.

Осы істі тергеген тергеу тобы қылмыстық істер бойынша айғақтар ретінде тартылғандарды тапты. Олар жалған болып шықты – тергеу әрекеттеріне қатыспаған, материалдарда қойылған қолдар оларға тиесілі емес, олар «жедел ашылған қылмыстар туралы» білмеген. Сотқа көп куәгерлер шақырылады. Процесстің басталуы 15 қараша сағат 10-ға жоспарланды.

Мұрат СҰЛТАНҒАЛИЕВ