№2 Атырау қалалық сотының тергеу судьясы 45 жастағы азамат М.-ны 10 тәулікке қамауға алуға санкция берді. Ол ақша мен азық-түліктерді иелену мақсатында пышақ пен балтаны қолданып, Атыраудағы Махамбет көшесінің бойындағы дүкендердің бірінде сатушы болып жұмыс жасаған Өзбекстан азаматшасын өлтіріп тастаған.
Облыстық соттың баспасөз қызметінің ақпараты бойынша, күдікті ІІ топ мүгедегі болып табылады, сонымен қатар, тергеушінің түсініктемесіне сәйкес, ол психикалық сырқатқа шалдыққан. Осы фактіні растау үшін психоневрологиялық орталыққа сауал жолданды. Психикалық сырқаты бар тұлғаларға бұлтартпау шарасы қолданылмайтындығын ескерсек, күдіктінің сырқаты туралы мәліметтер алу үшін сот оны қысқа уақытқа қамауда ұстауға санкция беру қажет деп есептеді.
Мұрат СҰЛТАНҒАЛИЕВ